قصه فتاه فى الثامنة من عمرها

من طرف b00ny الأربعاء مارس 12, 2008 11:02 pm

بسم الله الرحمن الرحيم

اعجبتنى القصة فقررت ان انقلها لكم

فتاة تحكى وتقول

[color=navy][size=25]
انا كنت النهاردة بتفرج على التلفزيون عادى يعنى مش متابعة حاجة معينة وبعدين لقيت قناة عليها برنامج اجنبى شاهدته من قبل البرنامج اسمه Starting over - Home edition فكرة البرنامج انه يذهب الى الأشخاص الذين يعانوا من مشاكل خاصة بالمنازل التى يعيشوا فيها اما انها غير صالحة للمعيشة او لدى احد افراد الأسرة مشكلة صحية مثلاً والبيت غير صالح لحالته ... المهم ان الموضوع ان فريق البرنامج يستضيف اهل البيت فى مكان آخر لمدة اسبوع وفى هذه الفترة يقوم بهدم المنزل القديم وبناءة من جديد ، وفى كل حلقة يزور الفريق اسرة جديدة .

شاهدت اكثر من حلقة من البرنامج وكان مسلى ولما لاقيته النهاردة قلت ماشى نتفرج ... لكم ما شاهدته كان مؤثر جداً يا شباب يا صناع الحياة ...

فريق البرنامج ذهب لأسرة مكونة من اب وام وخمسة اطفال لكن الاسرة لم تتطلب من الفريق اصلاح منزلهم لكن كان من ضمن اطفال الاسرة طفلة عندها 8 سنوات .. الطفلة كان عندها سرطان فى المعدة وظلت تعالج منه لمدة عامين واجريت لها العديد من العمليات حتى تم استئصال الورم وقضت السنتين دول فى المستشفى ... بعد مالبنت دى اتعالجت ورجعت لبيتها بعتت خطاب للبرنامج علشان نفسها يجددوا المستشفى اللى كانت بتتعالج فيها علشان الأطفال اصحابها بيقضوا فيها شهور طويلة ولازم يحسوا انها زى بيتهم ... والأجمل بقى من ده واللى خلانى ابكى والله وانا بتفرج ان البنت دى بتصنع اعقاد ( قلائد) من الخرز وبتبيعها علشان تحقق الهدف ده وكتبت فى الجواب بتاعها للبرنامج ان الهدف ده حتحققه سواء من خلال البرنامج او من بدونه .... بفكركم مرة تانية ان الطفلة دى عمرها 8 سنوات ......

ايه رأيكم والله العظيم انا بقيت مكسوفة من نفسى بقى طفلة فى العمر ده تفكر بالطريقة دى واحنا اللى قضينا من عمرنا اضعاف عمرها لما بنعمل عمل خير بنبقى حاسين ان خلاص احنا ضامنين الجنة فى جيبنا ... ودى كمان طفلة اجنبية ليست على دين الأسلام يعنى الدافع الدينى اللى بيحرك معظمنا مش موجود عندها .... لكن اللى حركها هى الفطرة التى فطر الله الناس عليها .. فما بالكم بينا بقى اللى احنا مؤمنين ان من يعمل مثقال ذرة خيراُ يره بنعمل ايه ..

انا طبعاً مش بوعظكم ولا حاجة انا بس بتكلم بصوت عالى لأنى قعدت طول البرنامج افكر فى الموقف ده وبجد حسيت انى زى ما بيقولوا فى نص هدومى ... واظن انى حفضل فاكرة القصة دى لمدة طويلة لأنها رغم بساطتها لكنها فعلاً اثرت فيا ..... وانتم بقى ايه رايكم؟